البوري تعريفه واسبابه

هلوووو حبايبي نشامى مشتاقين اليوم جبتلكم شي عن ضاهره منتشره بشكل مو طبيعي راح نعرف هذا الشي بالتفصيل.... طبعاً مثل ما تعرفون هنالك انواع عديدة من البوري وخصوصاً انه البنات هذه الايام قد تفننو في طك البيبسي للولد وخصوصاً في الجامعات والكليات.. وحتى المنتديات هم كثرت هاي الضاهر

. فبدون ان نسأل ليش انضربت بوري وليش طكوولي بيبسي لازم ع الكل يعرف شنو هو البوري تعريفه اسبابه وكيفية ملافاته ومن ثم التخلص من اثاره الجانبية. نجي نعرف البوري:

البوري: هو عملية رفض البنية للولد بأسلوب معين يتراوح من الاجابة بوقاحة والاستصغار الى اسلوب مؤدب مثل (انت مثل اخوية) واسباب البوري عديدة تتراوح من الغرور الى بيع الثقل. اما انواعها فمتعددة ايضاً وسنأتي ع شرحها لاحقاً.

انواع البوري: طبعاً انواع البوري متعددة ولذلك ارتأينا ان يكون تصنيفنا للبواري حسب الاسباب فقد يتشارك نوعان او اكثر من البوراي بنفس السبب فارتئى المؤلف واللي هو اني وحسب شوفتي للموضوع ان يكون لي تصنيف خاص للبواري وحسب التالي: طبعاً راح ننطي ارقام تدل ع قوة البوري وراح نصنفها من 10 انج الى 1 انج وكلما كان اقرب للعشرة كلما كانت قوته اعظم.

1. البوري الطاك: ويعني انو انت تحب بنية طاكة حيل (تتصور راح

تباوع عليك هي) يعني هي طاكة حلوة كشاخة ام لسان (حتى لو جانت هادئة فهذا النوع عنده فد

لسان) وسبب البوري هو انه ما عندك اي مجال تثير بيه اعجاب البنية يعني راح تجي تفيك عليها بسيارتك وموبايلك وهي يجيها السايق للباب لو راح تكشخ عليها وتحط ريحة وتفتر يمها وهي اخوها

لابس هدوم البيت مال النوم اكشخ منك لو راح تفيك عليها بشعرك والجل مالتك وهي عيونها بس احلى

من 100 شاب مثلك, ما عندك أي امل ولا حجازي نياااااااا ... لا الصدك اني اكلك لا تروح ولا تجي ولا تتعب

نفسك هو بوري بوري . اما كيفية ملافاة هذا البوري فاني مراح اكلك

انسى البنية .. لا بالعكس بس راح اكلك اول شي بيع ثقل ولاتبين نفسك هيج مذبوح عليها ودائماً

تلحكها لأن راح تكرهك البنية بس تكدر تدبر رقم التلفون مالتها او ايميلها وتدزلها فد مسج او ايميل

بمناسبة او بدون مناسبة وطبعاً شنو تستخدم فد رقم تلفون او ايميل محد يعرفه بس انت ويكون نص

المسج (مساء الخير او صباح الخير .. قبل لا تكولين اي شي .. اني احب اكلج انو اني اسف ع الازعاج

واني لي الشرف انو احجي وياج وافتخر بيج وانتي ع راسي بس والله مكدرت امنع نفسي انو ادزلج

رسالة تحية او سلام ولو انتي مغرورة شوية وادري مراح تديرين بال للمسج او الايميل بس حقج لانه لو

القمر محلو مجان صار هيج بالسما عالي وانتي احلى من القمر فحقج تتكبرين ع البشر) ان جاوبتك

البنية فظل انفخ بيهة (يمعودة اني اصدك اجذب احجي وياج) (انتي ع راسي وانتي ارقى وحدة بالقسم)

ولا تبين لها هويتك او شخصيتك الا تنطيك الامان هي (والله اني ما اكدر اكلج اني منو لأن اخاف عندج

فكرة مسبقة عني ومراح تقبلين تحجين وياية واخسر حتى هذه المسجات او الايميلات البسيطة اللي

بيناتنا) وشنو دير بالك تحشش وياها (هاي السوالف مال حسن : حسن عيشة , وليد : وليد انام

نيااااااااااااا) دير بالك لان هذا النوع يموت ع الثقل.

ويتراوح هذا البوري من 9 الى 7 انج لأن اغلب الاحيان البنية تجاوب الولد بأحتقار وتنهد بيه خوش هدة. ويسمى بالبوري الطاك لان البنية طاكة حيل انفجار بالفلوس.

تحيـــــــــــــــــــــاتي واتمنى تعجبكم

هههههههههههههههههههههههههه

عاشت ايدك ياوردة

البوري: هو عملية رفض البنية للولد بأسلوب معين يتراوح من الاجابة بوقاحة والاستصغار الى اسلوب مؤدب مثل (انت مثل اخوية) واسباب البوري عديدة تتراوح من الغرور الى بيع الثقل. اما انواعها فمتعددة ايضاً وسنأتي ع شرحها لاحقاً.

مشكور حب موظوع رووووعه

هههههههههههههههههههههههههه

عاشت ايدك يامبدع تقبل مروري وتحياتي.