قصة حقيقية في قسم الغات

السلام عليكم

هاي قصه اني بجيت عليها وكلمن يسمعها ينقهر على اللي صار...

جانت اببنيه بقسم اللغات ..وهيه مواليد 82...
وهيه بنت مسؤول..جبير.. حبت واحد بس هذا الواحد فلسطيني ..حبته كلشش .جان صديقتها القريبه عليها غارت منها كلش..لانو الحب اللي بينهم مو طبيعي...راحت كالت لابو البنيه وطبعا تعرفون انتو المسؤوولين شلون جانو على اعصابهم ..المهم كتلها وبطلها من الكليه ..طبعا هيه هاي الصديقه راح كالت للاب القصه اشويه وياها فلفل وبهارات...بس الولد مايئس دز بنات على الوالد ..حتى يقنعوه..المهم قنع الاب ورجعها بس اخذ وعد من البنيه انو تعوف الولد..عافته وظلو سنتين يتشافون بس محد يحجي ويه الثاني ...بس يبجون..المهم وراها صف رابع رجعو..يتحاجون...ورجع حبهم ..اكثر واكثر..
عرف الاب بل قضيه ...نفس البنيه خبثت...فالاب سوو نفسه مايدري.. لانو ماعنده قوه مثل ماجان..لانو سقطت بغداد..فعرف انو الولد دايشتغل ويه صحفي...جان يدز عليه ناس وقتلوه ..وصوره فلم..ودزه لبنته...بس اتخيلو حقاره هذا الاب مع احترامي . البنيه اتحجبت وانعزلت عن الناس...

شنو رئيكم بهيج اب ..تحترموه لو لا؟.. هل الطائفيه..والاصل .هيج تسوي.

تره كلنا اسلام .ومسيح.كلنا عرب

تحياتي الكم

المساهمات : 15 تاريخ التسجيل : 03/11/2007

صح كلنا اسلام ومسيحيين وعرب وماكو فرق

بس شتكول للمتخلفين مع احترامي للجميع

يسلمو على هالقصة الحزينة

والله عمي صحيح كلامك بس اكو هواااايه ناس متخلفه

المساهمات : 17 تاريخ التسجيل : 20/12/2007

خطيه والله
شون عنده القدره هيج يسوي ببنته

استغفر الله هذا مو اب هذا حجاكم كلب وماعده احساسقتل نفس لاجل شي تافه وبنته شنو مصيرها وشنو ذنبهاوشكال قلبها لمن شافت التسجيل عزا الله يساعد قلبهاطبعا لو اني مكانها ماتصور كنت اعيش هو اني صار بس فراق وردت انام بيها انعاش بس الله ستروالحمد لله وجود نعمة النسيان جان ماضلينا عايشينالله يساعده ويسكنه الجنه وينتقم من ابوها الظالم مشكور اخوي على القصة المؤلمه

الله اكبر على الظالم

شكرااااااااا عيني على مروركم

بالفعل القصة تبكي شكرا الك ياعاشق على القصة الجميلة والمؤلمة بكل معاني الكلمة والله يرحمه ويساعد البنية والله يحاسب ابوها وهو نعم الوكيل

مشكورررر عاشق علا هاي القصه

شكراااااا عيني على مرورك